सिरहा । प्रतिनिधिसभा निर्वाचनका लागि सिरहा जिल्ला निर्वाचन क्षेत्र नं. २ बाट नेकपा (एमाले) ले युवा नेता नवीन यादवलाई उम्मेदवारका रूपमा अघि सारेको छ।

यादवले आज निर्वाचन अधिकृतको कार्यालयमा पुगेर औपचारिक रूपमा आफ्नो उम्मेदवारी मनोनयन दर्ता गराएका हुन्। पार्टी संगठनमा लामो समयदेखि सक्रिय रहँदै आएका यादवलाई उम्मेदवार बनाउने निर्णयसँगै उक्त निर्वाचन क्षेत्रमा राजनीतिक गतिविधि तीव्र बनेको छ।

नेकपा (एमाले) ले क्षेत्र नं. २ मा संगठन सुदृढीकरण तथा जनसमर्थन विस्तारलाई प्राथमिकता दिँदै यादवलाई उम्मेदवार बनाइएको जनाएको छ। पार्टीका अनुसार विकास, सुशासन र स्थायित्वका मुद्दालाई केन्द्रमा राखेर चुनावी प्रतिस्पर्धामा उत्रिने रणनीति लिइएको छ।